Нөхөрсөг хүү Тэмүжин

Ач тусын тухай үлгэрүүд #7

Нөхөрсөг хүү Тэмүжин

/Нас: 6+, Нүүр 28-32, хатуу хавтастай/

Энэхүү үлгэрт Их Монгол улсын Хаан Чингис хааны бага насны дүрээр уншигч хүүхдүүдэд нөхөрсөг зангийн ач тусыг харуулахыг зорьсон байна. 

Тэмүжин хүү хэрхэн хүсэл мөрөөдөл, нөхөрсөг зангийн ач тусаар олон найз нөхөдтэй учирч, хожим найз нөхөрлөл хэрхэн түүний их үйлсэд нэмэр болж Чингис хаан гэдэг нэрийг зүүхэд хүргэснийг энэхүү үлгэрээс олж мэдэх болно. Үлгэр дээр  Тэмүжин хүү хүчит цагаан шонхор шувуу, хүрэн бор морь, анд найз Жамуха гээд анд найзуудтайгаа хамтаар адал явдлыг туулж дайснаа дарсан тухай сонирхолтой үйл явдал гардаг.

Нөхөрсөг хүү Тэмүжинг улбар шар өнгөөр илэрхийлсэн нь мандах нарны цацрагийг бэлгэдэх бөгөөд төрт ёс, язгуур гарвалыг илтгэнэ. Харин түмэн насан хээ нь дуусашгүй мөнх цадигийг бэлгэдэх бөгөөд Их хаан Чингисийн түүхэнд үлдээсэн гавъяа цагийн цагт мандаж, үеийн үедээ дуурсагдах учиртайг зохиолын багийнхан тунгааж номын хавтаснаа буулгасан билээ.