АЛЬФА ПАБЛИШИНГ ХХК

“Альфа паблишинг”  ХХК нь хүүхдийн ном эрхлэн гаргадаг бөгөөд үйл ажиллагааны үндсэн зорилго нь Монголын  хойч үе болсон үр хүүхдүүддээ сайн сайхныг түгээх,  үлгэрлэн үзүүлэх явдал билээ. Бид Пони түүхүүд, ан амьтад танин мэдэхүйн ном, санхүүгийн боловсрол олгох ном гэх мэт гаднаас албан ёсны эрхтэйгээр орчуулан хэвлүүлсэн номуудаас гадна монгол зохиолч, зураачийн хамт баг болон бүтээсэн “Ач тусын тухай үлгэрүүд” цуврал, “Борхүү, Одхүү, Төмөрхүү 3-ын адал явдал ”  цуврал комик номуудыг гаргасан, “Мандухай охин ба Эрдэнийн гэрэлт судар” хүүхдийн бүрэн хэмжээний тайзны жүжиг тоглуулсан гэх мэт хийсэн ажил арвинтай хамт олон билээ. 

АЧ ТУСЫН ТУХАЙ ҮЛГЭРҮҮД

“Ач тусын тухай үлгэрүүд” цувралын гол зорилго нь өнөөгийн нийгэмд хүүхдэдээ сайн сайхныг харуулах, үлгэрлэх, сургах гэсэн эцэг эхчүүдийн хүсэл эрмэлзэлд тус нэмэр болох явдал юм. Эдгээр зурагт үлгэрт Монгол хаад, хатад, цаашлаад орчин цагийн баатруудын бага насны дүрээр дамжуулан  хүүхэд багачуудад бусдыг хайрлах, байгалийг танин мэдэх, ёс заншлаа дээдлэн амьдралдаа мөрдлөг болгох хийгээд хүний зан чанарын сайн талуудын ач тусыг ойлгуулах болно. Үлгэр бүр нь нэгэн шинэ зүйлийг нээж заадаг ач тустай билээ.